بھارتی افواج کی فائرنگ سے جاں بحق ہونے والی گلشن بی بی کو نماز جنازہ کی ادائیگی کے بعد آبائی گاوں تاج پورہ میں سپرد خاک کردیا گیا ۔ نماز جنازہ میں مسلم لیگ ن کے رہنما احسن اقبال نے بھی شرکت کی ۔
اہل خانہ کے مطابق نارووال کے محلہ تاج پورہ کی رہائشی گلشن بی بی کا ذہنی توازن درست نہیں تھا ۔
بدھ کے روز وہ غلطی سے سرحد عبور کر گئی تھی جسے بی ایس ایف نے فائرنگ کر کے قتل کر دیا تھا ، بعد میں گلشن بی بی کی میت واہگہ بارڈر پر پاکستان کے حوالے کی گئی ۔
قبل گلشن بی بی کی نارووال میں ہی شادی کی گئی تھی لیکن وہ تقریبا سات ماہ سے اپنےوالدین کے گھر پررہ رہی تھی۔