بالی ووڈ کے بھائی جان ’سلمان خان‘ کی بھارتی سیاست میں شمولیت اور کانگریس کے نشان پر الیکشن لڑنے کی خبریں زیر گردش ہیں۔
بھارتی میڈیا میں سلمان خان کے 2019ء کے الیکشن میں نریندر مودی کی جماعت بھارتیہ جنتا پارٹی (بی جے پی) کے مقابل انڈین نیشنل کانگریس کے پلیٹ فارم سے شکست کی خبریں زیر گردش ہیں۔
سلمان خان کی طرف سے بھارتی سیاست میں یا الیکشن لڑنے کے حوالے سے کوئی تصدیق سامنے نہیں آئی ہے۔
میڈیا میں کانگریس کے ایک رہنما کے حوالے سے یہ کہا جار ہا ہے کہ سلمان خان ان دنوں بھارتی ریاست مدھیا پردیش میں ہیں،عین ممکن ہے کہ وہ الیکشن لڑنے کےلئے پارٹی میں شمولیت کا اعلان کردیں اور پارٹی کی انتخابی مہم بھی چلائیں۔
مدھیا پردیش کے وزیر اعلیٰ کمل ناتھ کے حوالے سے یہ خبر سامنے آئی ہے کہ سلمان خان سیاحت کی فروغ کے لئے مدھیا پردیش آئے ہیں اور اس حوالے سے میری اُن سے بات بھی ہوئی تھی اور ریاست کے لئے کچھ شراکت داری کی گزارش کی گئی تھی، جس پر انہوں نے فوری حامی بھر لی تھی۔
انڈین نیشنل کانگریس میں اداکار کی شمولیت کے حوالے سے تاحال سلمان خان اور کانگریس نے با ضابطہ طور پر کوئی اعلان نہیں کیا ہے۔