احمد شہزاد نے ٹیم سلیکشن پر سوالات اٹھادیئے

پی ایس ایل میں 99 رن بناتے ہی احمد شہزاد میں اعتماد آگیا، قومی ٹیم کے سلیکشن پر سوالات اٹھا دیے، کوچ مکی آرتھرکو بھی آڑے ہاتھوں لیا۔

نیشنل اسٹیڈیم میں میڈیا سے گفتگو میں اوپنر احمد شہزاد نے کہا کہ پی ایس ایل کی پرفارمنس سے پاکستان ٹیم میں جگہ دینے سے لیجنڈری کھلاڑی نہیں ملیں گے۔

انہوں نے کہا کہ پاکستان ٹیم میں کھلاڑیوں کا انتخاب شارٹ فارمیٹ سے نہیں بلکہ ڈومسٹک کرکٹ کی کارکردگی کی بنیاد پر ہونا چاہیے۔

احمد شہزاد کا کہنا تھا کہ مکی آرتھر تجربہ کار کوچ ہیں ، اُنہیں معلوم ہونا چاہیے کہ کوالٹی بیٹسمین فور ڈے یا ون ڈے کرکٹ سے ملتا ہے، ڈومیسٹک اسٹرکچرکومضبوط بنانا ہوگا۔

احمد شہزاد نے کہا کہ اُنہیں اپنی سنچری مکمل نہ ہونے سے زیادہ میچ ہارنے کا دکھ ہے۔