آپ آف لائن ہیں
جنگ ای پیپر
جمعہ18؍رمضان المبارک1440 ھ24؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
ہیلی فیکس (زاہد انور مرزا) ڈینٹل سرجن ڈاکٹر آفتاب احمد نے کہا ہے کہ شوگر کی بیماری میں سب سے پہلے مریضوں کے دانت متاثر ہوتے ہیں۔ اس مرض میں مبتلا ہونے والوں کی علامات میں پہلے دانت اور مسوڑھے کمزور ہوجاتے ہیں۔ بعض اوقات ان سے خون رسنے لگتا ہے۔ ان خیالات کا اظہار انہوں نے ’’جنگ‘‘ کو انٹرویو میں کیا، ان کا کہنا تھا کہ شوگر کے ابتدائی مرض میں دانت اور مسوڑھوں کے زخم مندمل نہیں ہوتے۔ انہوں نے کہا کہ ہمارے پاس ایسے مریض آتے ہیں جن کا علاج کرنے کے باجود ان کو دوبارہ زخم ہوجاتا ہے جس پر ان کے شوگر کے ٹیسٹ کرائے جاتے ہیں جس میں مثبت رپورٹ ملنے کے بعد پہلے ان کی شوگر کنٹرول کی جاتی ہے۔ ڈاکٹر آفتاب کا کہنا تھا کہ عمومی طور پر شوگر کی بیماری دانتوں کو متاثر کرتی ہے۔ اسی دوران ڈینٹل سرجن ان کے دانت کا علاج کرنے سے پہلے شوگر کی بیماری سے باخبر ہوجاتا ہے۔ اکثر لوگوں کو دانت کی خرابی پر شوگر کا مرض ہونے کی خبر ملتی ہے۔

Chatاپنی رائے سے آگاہ کریں