محمد حفیظ کی پی ایس ایل ٹیکنیکل کمیٹی کو تجویز

آل راؤنڈر محمد حفیظ نے پاکستان سپر لیگ کی ٹیکنیکل کمیٹی کو ٹیموں کے پلیئرز کو برقرار رکھنے کے معیار میں تبدیلی کی تجویز دی ہے۔

محمد حفیظ نے ٹوئٹر پیغام میں کہا ہے کہ اس سے ناصرف تمام ٹیموں کو نیا پن لانے کا موقع ملے گا بلکہ میچز میں مزید مقابلے کا رجحان پیدا ہوگا، 10 کھلاڑیوں کو برقرار رکھنا بہت زیادہ ہے۔

محمد حفیظ نے اس تجویز کے حوالے سے رائے بھی مانگی ہے۔

محمد حفیظ نے رواں سیزن میں لاہور قلندرزکے کپتان تھے لیکن ان فٹ ہونے کے باعث ایونٹ سے باہر ہوگئے، ان کی جگہ پہلے ڈیولیئرز اور پھر فخرزمان نے ٹیم کی قیادت کی تھی۔

لاہور قلندرز کی ٹیم پچھلے تین سیزنز کی طرح چوتھے سیزن میں بھی پہلے ہی مرحلے میں ایونٹ سے باہر ہوگئی تھی۔