آپ آف لائن ہیں
جنگ ای پیپر
ہفتہ19؍رمضان المبارک 1440 ھ25؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
 چنیوٹ/لاہور(صباح نیوز/خصوصی رپورٹر) چنیوٹ میں شوہر نے اپنی بیوی اور 3 بچوں کو قتل کر دیا بعد میں خودکشی کر لی۔واقعہ چنیوٹ میں تھانہ سٹی کے علاقے رائے چند میں پیش آیا جہاں اعجاز نامی شخص نے 3 بچوں اور بیوی کو فائرنگ کر کے قتل کرنے کے بعد اپنے آپ کو بھی گولی مار کر خودکشی کرلی۔ پولیس کے مطابق رائے چند کے رہائشی محمد اعجاز نے نامعلوم وجوہات کی بنا پر اپنی32سالہ بیوی روبینہ، 5سالہ بیٹے ابوبکر، 4سالہ تحریم اور 3سالہ مرتضین کو گولیاں مار کر قتل کیا۔ علاقے کے لوگوں کا کہنا تھا کہ وہ انتہائی غریب فیملی تھی اور میاں بیوی میں غربت کی وجہ سے اکثر لڑائی رہتی تھی۔ واقعے کی اطلاع ملتے ہی ڈی پی او انور کھیتران، ڈی ایس پی اور ایس ایچ او تھانہ سٹی موقع پر پہنچ گئے جبکہ موقع سے گولیاں اور دیگر تمام شواہد اکٹھے کئے گئے ہیں۔اہل علاقہ نے یہ بھی بتایا ہے کہ علی الصبح 5 فائروں کی آواز سنی گئی تھی۔

Chatاپنی رائے سے آگاہ کریں