آپ آف لائن ہیں
جنگ ای پیپر
جمعرات13؍رجب المرجب 1440ھ 21؍مارچ 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اراضی فراڈکیس‘نورربانی کھر ودیگر کی گرفتاری کیلئے ٹیمیں تشکیل

مظفرگڑھ(نمائندہ جنگ) کھر خاندان اراضی فراڈ کیس ملزمان کی گرفتاری کیلئےٹیمیں تشکیل دیدی گئی ہیں جلد گرفتاریاں کرکےحسب ضابطہ کاروائی کرینگےاورجعلی وبوگس انتقالات کے اخراج اور درستگی کیلئےڈپٹی کمشنرمظفرگڑھ کولیٹرلکھیں گے۔یہ بات سرکل آفیسراینٹی کرپشن مظفرگڑھ وسیم اکبر خان لغاری نےصحافیوں سے گفتگومیں بتائی۔انہوں نےکہاکہ مقدمہ نمبر 12/18 میں سابق ایم این اےغلام ربانی کھر‘انکی اہلیہ سابق ایم پی اےسمیراربّانی کھر‘عطامحمدکنیرا نائب تحصیلدار ‘ چوہدری عبدالستار پٹواری ودیگرکےخلاف جوڈیشل کارروائی کی منظوری ہوگئی ہے‘نامزدملزمان کی گرفتاری کیلئےٹیمیں تشکیل دیدی ہیں۔انہوں نےکہاکہ مقدمہ میں بوگس انتقالات کےذریعےجعل سازی سےاراضی منتقلی ثابت ہو چکی ہےاس لئےبوگس انتقالات کےاخراج اوردرستگی کیلئےڈپٹی کمشنرکو خط تحریرکرینگے۔انہوں نےکہاکہ اینٹی کرپشن مظفرگڑھ ڈائریکٹر ڈیرہ غازی خان سرکل آغاعلی عباس کی قیادت میں کرپشن کےخاتمےکی عملی جدو جہدکررہاہے‘ملک نورربانی کھرودیگرملزمان کوقانون کےمطابق گرفتارکرکےعدالت میں پیش کرینگے۔

Chatاپنی رائے سے آگاہ کریں