نیوزی لینڈ حملہ آور کی حمایت کرنے والا شخص گرفتار

برطانیہ میں سوشل میڈیا پر نیوزی لینڈ حملہ آور کی حمایت کرنے والا 24 سالہ نوجوان کو گرفتار کرلیا گیا۔ اولڈہیم سے تعلق رکھنے والے نوجوان نے سوشل میڈیا پر نیوزی لینڈ حملہ آور کی حمایت میں پوسٹ ڈالی تھی۔

گریٹر مانچسٹر پولیس کے ترجمان کا کہنا ہے کہ یہ ایک بہت مشکل وقت ہے، نیوزی لینڈ اور دنیا بھر میں لوگ صدمے کا شکار ہیں، اس وقت میں ہم ایک برادری کی طرح سب ساتھ کھڑے ہیں، کوئی بھی قانون کی خلاف ورزی کرے گا ہم اس کے خلاف فوری کارروائی کریں گے۔

واضح رہے کہ نیوزی لینڈ کی دو مساجد میں دہشت گرد حملے میں 50 افراد جاں بحق ہوئے ہیں۔