پیٹرولیم مصنوعات کی قیمتیں بڑھانے کی سفارش

اوگرا نے یکم اپریل سے پیٹرولیم مصنوعات کی قیمتوں میں اضافے کی سمری پیٹرولیم ڈویژن کو ارسال کر دی۔

ذرائع کے مطابق اوگرا نے پیٹرلیم مصنوعات کی قیمتوں میں اضافے کی جو سمری پیٹرولیم ڈویژن کو اسرال کی ہے اس میں یکم اپریل سے پیٹرول کی قیمت میں 11 روپے 92 پیسے اضافہ کرنے کی تجویز دی ہے۔

ذرائع کا کہنا ہےکہ اوگرا نے پیٹرولیم ڈویژن کو ڈیزل کی فی لیٹر قیمت میں 11 روپے 17 پیسے اضافے اور مٹی کا تیل 6 روپے 65 پیسے فی لیٹر مہنگا کرنے کی تجویز دی ہے۔

ذرائع کا مزید کہنا ہے کہ اوگرا نے اپنی سمری میں لائٹ ڈیزل آئل کی قیمت میں 6 روپے 50 پیسے اضافے کی تجویز دی ہے۔

پیٹرولیم مصنوعات کی قیمتوں کا حتمی فیصلہ وزارت خزانہ وزیر اعظم کی مشاورت سے کرے گی۔