کیک سے چھپکلی برآمد ہونے پر بیکری سیل

حافظ آباد میں پنجاب فوڈ اتھارٹی نے کیک سے چھپکلی برآمد ہونے پر بیکری کو سیل کردیا۔

پنجاب فوڈ اتھارٹی ذرائع کے مطابق حافظ آباد کے جلالپور روڈ پر واقع بیکرز کی برانچ سے مقامی شہری نے کیک خریدا تھا،شہری کیک لے کرگھر گیا اور اسے کاٹا تو کیک سے مری ہوئی چھپکلی برآمد ہوئی۔

اس بات کی اطلاع شہری نے پنجاب فوڈ اتھارٹی کو دی۔

 شہری کی شکایت پر پنجاب فوڈ اتھارٹی کا عملہ وہاں پہنچا اور بیکری کو سیل کردیا۔