مسلم لیگ ن جاپان کے صدر ملک نور اعوان نے کہا ہے کہ میاں نواز شریف قوم کے حقوق کے لیے اس جرم کی سزا بھگت رہے ہیں جو کبھی کیا ہی نہیں تھا ۔
انہوں نے کہا کہ میاں نواز شریف کی طبی بنیادوں پر رہائی کسی بھی لیگی کارکن کے لیے اطمینان کا سبب نہیں ہے میاں نواز شریف کی مکمل رہائی تک صدائے احتجاج بلند کرتے رہیں گے ۔
یہ بات ن لیگ جاپان کے صدر ملک نور اعوان نے مسلم لیگ ن جاپان کے سینئر نائب صدر ملک یونس کی جانب سے پاکستان سے تشریف لائے ہوئےمسلم لیگ ن کے سینئر رہنما ایم شہباز صائم جو سیالکوٹ میں صدر پاکستان اسپورٹس مارکیٹ ہونے کے ساتھ ساتھ یوسی 26 کے چیئر مین بھی ہیں کے اعزاز میں ٹوکیو کے خوبصورت مقام اودائبہ میں شاندار عشائیہ کے موقع پر خطاب کرتے ہوئے کہا۔
تقریب میں کینڈا سے آئے ہوئے مہمانوں راجہ شاہد اور اعجاز صدیق کے اعزاز میں الودائی نشست بھی منعقد ہوئی جبکہ چلی سے آئے ہوئے قریبی دوست چوہدری سلیم کو بھی خوش آمندید کہا اس موقع پر ن لیگ جاپان کے صدر ملک نور اعوان ، ایڈیشنل جنرل سیکریٹری چوہدری عنصر گجر ، نائب صدر مرزا اکرم بھی موجود تھے ۔
تقریب سےخطاب میں ن لیگ جاپان کے سینئر نائب صدر ملک یونس نے کہا کہ حکمرانوں کے انتقام کے باعث نواز شریف اپنی اہلیہ کے آخری وقت میں قید میں رہے جبکہ اب منصوبہ بندی کے زریعے ان کی زندگی خطرے میں ڈالی جارہی ہے ۔
ن لیگ جاپان مطالبہ کرتی ہے کہ نواز شریف کو مکمل علاج معالجے کی سہولیات فراہم کی جائیں اور ان پر جھوٹے کیسز ختم کیے جائے ۔
اس موقع پر پاکستان سے آئے ہوئے لیگی رہنما ایم شہباز صائم نے کہا کہ میاں نواز شریف ہی ن لیگی کارکنوں کے حقیقی قائد ہیں اور ان کی ہی وجہ سے پارٹی میں اتحاد و اتفاق قائم ہے اور پاکستان میں جس دن شفاف انتخابات میاں نواز شریف کو کوئی طاقت وزیر اعظم بننے سے نہیں روک سکے گی۔
اس موقع پر ن لیگ جاپان کے ایڈیشنل سیکریٹری جنرل چوہدری عنصر گجر نے کہا کہ دنیا بھر میں مقیم لیگی کارکنوں نے ہمیشہ مشکل وقت میں پارٹی کے لیے اہم خدمات انجاد دیں ہیں مستقبل میں بھی ن لیگ اوورسیز میاں نواز شریف کا اثاثہ ثابت ہوگی ۔
اس موقع پر نائب صدر مرزا اکرم نے کہا کہ میاں نواز شریف ہمارے لیے اب بھی وزیر اعظم ہیں ان کے ساتھ زیادتی ہوئی ہے جس طرح ان کو قید میں رکھا گیا ہے وہ سراسر ناانصافی ہے پاکستان میں انصاف کے حصول کے لیے کوششیں کرتے رہیں گے۔