کراچی: کلفٹن میں منشیات بیچنے والا ملزم گزری سے گرفتار

کراچی کے علاقے گزری سے پولیس نے منشیات فروش کو گرفتار کر لیا،ملزم کلفٹن کے مختلف علاقوں میں منشیات فروخت کرتا رہا ہے۔

گزری پولیس نے کارروائی کرتے ہوئے بین الصوبائی منشیات فروش کو گرفتار کیا ہے۔

ملزم خالق عرف بابو کے قبضے سے 5 کلو منشیات برآمد کرلی گئی ہے، یہ ملزم عرصہ دراز سے منشیات کراچی لے کر آ رہا تھا۔

ملزم خالق بابو خیبر پختون خوا کا رہائشی ہے۔ملزم خالق کے ساتھیوں کی تلاش میں چھاپے جاری ہیں ۔