آپ آف لائن ہیں
جنگ ای پیپر
جمعرات17؍رمضان المبارک 1440ھ 23؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی وزیر خزانہ اسد عمرکہتے ہیں کہ روپے کی قدر میں کمی کا کوئی امکان نہیں ہے، اسٹیٹ بینک نے کہہ دیا ہے کہ روپیہ توازن میں ہے۔

وزیر خزانہ اسد عمر نے انٹر لوپ کی لسٹنگ کے موقع پر کراچی میں پاکستان اسٹاک ایکسچینج کے ارکان سے ویڈیو لنک کے ذریعے خطاب کرتے ہوئے مزید کہا کہ افواہیں نہ پھیلائیں اور ڈالر خرید کر پیسہ ضائع نہ کریں۔

انہوں نے کہا کہ روپے کی قدر کو مصنوعی طور پر اونچا رکھا گیا تھا، یہ قدر اب مارکیٹ سے ہم آہنگ ہوگئی ہے۔

وزیر خزانہ کا کہنا ہے کہ آئی ایم ایف سے بھی روپے کے شرح تبادلہ کے لیول پر بات نہیں ہوئی، حکومت نے بہت مشکل فیصلے کیے ہیں۔

انہوں نے کہا کہ دنیا کے نظام کے ساتھ چلنا چاہتے ہیں،تبدیلی کو عام طور پر پسند نہیں کیا جاتا۔

وفاقی وزیر خزانہ نے مزید کہا کہ تبدیلی کو مرحلہ وار متعارف کرانا چاہیے، تبدیلی سے تباہی بھی ہوتی ہے۔

اسد عمر کا مزید کہنا ہے کہ ہمیں سرکاری سوچ سے نکلنا ہے، اپنے قوانین کو دنیا کے بہترین طریقوں پر منتقل کرنا ہے۔

انہوں نے یہ بھی کہا کہ پاکستانی معیشت کا حجم معاشی نمو کے مقاصد نہیں دے رہا، مارکیٹ ضرورت سے زائد ریگولیٹڈ ہے۔

Chatاپنی رائے سے آگاہ کریں