جرمنی:ہر سو پھیلے چیری کے پھولوں سے فضا معطر

دنیا کے مختلف ممالک میں اس وقت چیری کے پھولوں کی بہار کا آغاز ہوگیاہے اور پھولوں کے خوبصورت نظارے اور دلفریب مہک نے لوگوں کو اپنے سحر مبتلا کیا ہوا ہے۔

جرمنی کے شہر Bonnکے ٹاؤن Altstadt میں بھی اس وقت ہر طرف چیری پھولوں کی بہار چھائی ہوئی ہے۔لاکھوں پھولوں سے لدے درختوں نے شہرکی خوبصورتی میں اضافہ کردیا ہے اور ہر سو پھیلے ان پھولوں سے فضا معطر ہوگئی ہے۔

چیری کے پھولوں سے سجے خوبصورت منظر نے لوگوں کو اپنے سحر میں جکڑ لیاہے، جسے دیکھنے کیلئے نہ صرف جرمنی بلکہ دنیا بھر سے لوگ یہاں کا رخ کر رہے ہیں اور اس خوبصورت منظر کو اپنے کیمرے میں قید کر کے خوب لطف اندوز ہو رہے ہیں۔