اداکار فیروز خان جلد والد بننے والے ہیں

12 اپریل ، 2019

پاکستان کے نامور اداکار فیروز خان اور ان کی اہلیہ جلد اولاد کی نعمت سے نوازے جائیں گئے۔

میڈیا رپورٹ کے مطابق فیروز خان نے سماجی ویب سائٹ کو انٹرویو دیتے ہوئے تصدیق کی ہے کہ وہ اور ان کی اہلیہ علیزہ فیروز خان جلد والدین بننے کا اعزازحاصل کرنے والے ہیں۔

انٹرویو کے دوران انہوں نے مزید کہا کہ والد بننے کی خبر ان کی اہلیہ نے ان کو خود سنا ئی تھی جس کے بعد وہ اپنے آپ کو آہستہ آہستہ اس عظیم ذمہ داری کے قابل بنا رہے ہیں۔

گزشتہ مہینوں سے فیروز کے والد بننے کی خبروں نے انٹرنیٹ پر ڈیرے کر رکھ تھے جس کی تصدیق خود فیروز خان نے کردی ہے۔ فیروز خان اور ان کی اہلیہ فل وقت یہ نہیں جانتے کہ ان کے یہاں بیٹے کی پیدائش ہوگی یا بیٹی کی مگر فیروزاوران کے خاندان سمیت ان کے مداح بھی اس خوش خبری پر بے حد خوش ہیں۔

واضح رہے کہ فیروز خان نے علیزہ فیروز سے گزشتہ برس مارچ میں شادی کی تھی، جوڑا 1ماہ قبل شادی کی سالگرہ بھی منا چکا ہے۔

فیروز خان گذشتہ برس ’خانی‘ ڈرامے میں شاندار اداکاری کے بعد رواں برس عُروہ حسین کی ڈیبیو پروڈکشن فلم ’ٹچ بٹن‘ میں اداکاری کے جوہر دکھائیں گئے جس میں ان کے ساتھ سونیا حسین، فرحان سعید اور ایمان علی بھی مرکزی کردار ادا کرتے نظر آئیں گئے۔

تازہ ترین