پی ایس ایل میں مالی بے قاعدگیوں کا انکشاف

پاکستان سپر لیگ (پی ایس ایل) کے پہلے دو ایڈیشنز میں مالی بے قاعدگیوں کا انکشاف ہوا ہے۔

پاکستان کرکٹ بورڈ (پی سی بی) کو پی ایس ایل کے ابتدائی دو ایڈیشنز میں لاکھوں ڈالرز کا نقصان برداشت کرنا پڑا تھا۔

پی ایس ایل کے پہلے دو ایڈیشنز کی اسپیشل آڈٹ رپورٹ میں بہت سی بے قاعدگیوں اور بدعنوانیوں کا ذکر کیا گیا ہے۔

رپورٹ میں کمرشل رائٹس میں بے قاعدگیوں اور فرنچائزز پر کی جانے والی شاہ خرچیوں کی نشاندہی کی گئی۔

آڈٹ رپورٹ میں یہ بھی کہا گیا کہ بے قاعدگیوں اور بدعنوانیوں کے باعث پی سی بی کو لاکھوں ڈالرز کا نقصان برداشت کرنا پڑا۔

آڈٹ کے حوالے سے کئے گئے اعتراضات پر حکام سے جیو نیوز نے وضاحت طلب کی تو ان کا کہنا تھا کہ آڈیٹر جنرل پاکستان کی جانب سے اٹھائے جانے والے اعتراضات پرجوابات جمع کرادیئےگئے ہیں۔