• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشوریا، سلمان کی پرانی تصویر وائرل، مداح جذباتی

تازہ ترین
انٹرٹینمنٹ
14 اپریل ، 2019
ایشوریا اور سلمان کی پرانی تصویر وائرل، مداح جذباتی ہوگئے

بالی ووڈ کے دبنگ اداکار سلمان خان اورسابقہ مِس ورلڈ ایشوریا رائے کی ایک پرانی تصویر انٹرنیٹ پر سامنے آئی ہےجس پر ان کے مداح جذباتی ہوگئے۔


بھارتی میڈیا رپورٹس کے مطابق چند روز قبل سلمان خان اور ایشوریا رائے کی ایک پرانی یادگار تصویر انٹرنیٹ پروائرل ہوئی ہےجس میں دونوں اداکار چہرے پر مسکراہٹ لیےایک صوفے پر بیٹھے ہیں جبکہ تصویر میں ایشوریا کے ہاتھ میں ایک چائے کا کپ بھی نظر آرہا ہے۔


یہ تصویر سن 1999 کی ہے جب دونوں اداکارسنجے لیلا بھنسالی کی فلم ’ہم دل دے چکے صنم‘ میں ایک ساتھ کام کرنے کے بعد دوبارہ ملے تھے۔ اس تصویر کے منظر عام پر آتے ہی سلمان خان اور ایشوریا رائے کے پرستار ایک مرتبہ پھر سے ماضی میں چلے گئے اور اس تصویر کو بےحد پسند کر رہے ہیں۔

دوسری جانب سلمان اور ایشوریا کے کچھ مداح ان کے تعلقات کی تلخ حقیقتوں کی نشاندہی کرتےبھی نظر آئےہیں۔

ایشوریا اور سلمان کی پرانی تصویر وائرل، مداح جذباتی ہوگئے

واضح رہے کہ ایشوریا اور سلمان کی جوڑی بھارتی فلم انڈسٹری کی اپنے وقت کی پسندیدہ ترین جوڑی مانی جاتی ہے لیکن بیشتر وجوہات کی بنا پران کی محبت اور تعلقات زیادہ عرصے تک کامیاب نہ رہ سکے اور یہ محبت صرف 3 سال کے قلیل عرصے تک قائم رہنے کے بعدسن 2002 میں اپنے انجام کو پہنچ گئی۔

سلمان سے راہیں جدا کرنے کے بعد ایشوریا نے اپنی زندگی کے سفر کو آگے بڑھاتے ہوئے سن2007 میں امیتابھ بچن کے بیٹے ابھیشیک بچن سے شادی کرلی اور آج ان دونوں کی ایک بیٹی بھی ہے جبکہ سلمان اب تک کسی کے ساتھ اس رشتے میں نہیں بندھے۔

تازہ ترین