آپ آف لائن ہیں
جنگ ای پیپر
پیر 11؍ذیقعد 1440ھ15؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن



دبئی میں ایک سعودی مسافر طیارے کو اس وقت نقصان پہنچا جب واٹر کینن نے غلطی سے اسے نشانہ بنادیا۔

دبئی انٹرنیشنل ائیرپورٹ میں واٹر کینن سیلوٹ دیا جارہا تھا جو کہ ایوی ایشن انڈسٹری میں خصوصی مواقعوں پر دیا جاتا ہے۔

جدہ سے آنے والا سعودی طیارہ جب دبئی ائیرپورٹ پر پہنچا تو وہاں موجود 2 واٹر کینن نے رن وے پر اس کی لینڈنگ کے دوران سیلوٹ سے خیرمقدم کیا۔

اس طیارے میں 119 مسافر موجود تھے جبکہ عملے کے 7 افراد تھے اور وہ سب آگاہ نہیں تھے کہ ان کے لیے واٹر کینن سیلوٹ کی منصوبہ بندی کی گئی ہے۔

جب طیارہ لینڈنگ کررہا تھا تو 2 فائر انجن نے طیارے کے اوپر پانی برسانا شروع کیا، جس کے دوران ایک فائر انجن نے غلطی سے شدید دبائو والی پانی کی لہر طیارے پر فائر کردی، ایسا کرنے پر طیارے کا ایک ایمرجنسی دروازہ کھل گیا اور ایمرجنسی سلائیڈ خودکار طور پر باہر نکل کر کیبن میں جاگری۔

اس دروازے سے ملحق نشست پر موجود مسافر اس واقعے سے معمولی زخمی ہوگیا۔

یو اے ای جنرل سول ایوی ایشن اتھارٹی کے مطابق یہ واقعہ واٹر کینن کی حرکت میں غلطی کے نتیجے میں پیش آیا جس کے نتیجے میں ایک مسافر معمولی زخمی ہوگیا۔

واٹر کینن سیلوٹ سعودی عرب کے قومی دن کے اعزاز میں دیا جارہا تھا۔

Chatاپنی رائے سے آگاہ کریں

بین الاقوامی خبریں سے مزید
خاص رپورٹ سے مزید
ویڈیو رپورٹس سے مزید