• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعلیٰ سندھ نے نیب سوالنامے کا جواب جمع کرادیا

تازہ ترین
قومی خبریں
16 اپریل ، 2019
وزیراعلیٰ سندھ نے نیب سوالنامے کا جواب جمع کرادیا

وزیراعلیٰ سندھ سید مراد علی شاہ نے جعلی اکاؤنٹس کیس میں نیب کے دیے گئے سوالنامے کا جواب جمع کرا دیا ہے۔

وزیراعلیٰ سندھ نیب راولپنڈی میں پیش ہوئے،جواب جمع کرانے کے بعد میڈیا سے گفتگو میں نیب تفتیش پر اطمینان کا اظہار کیا۔

انہوں نے نیب حکام کو دعوت دی کہ وہ تھر آئیں اور سندھ حکومت کا کام دیکھیں، ساتھ ہی امید ظاہر کی کہ نیب حکام دعوت قبول کریں گے۔

مراد علی شاہ نے کہا کہ میں اپنے جوابات سے مطمئن ہوں، نیب کا پتا نہیں،بہرحال نیب حکام سے اچھے ماحول میں بات ہوئی۔

ان کا مزید کہنا تھا کہ نیب نے ان سے نوری آباد پائپ لائن اور ٹرانسمیشن لائن سے متعلق سوالات پوچھے اور انہوں ںے تمام سوالوں کے جواب دے دیئے ہیں۔

وزیراعلیٰ سندھ نے یہ بھی کہا کہ میرا نام زبردستی جے آئی ٹی میں ڈالا گیا، ڈی جی نیب راولپنڈی پہلے جے آئی ٹی میں نہیں تھے۔

تازہ ترین