آپ آف لائن ہیں
جنگ ای پیپر
جمعرات17؍رمضان المبارک 1440ھ 23؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزارت پٹرولیم نے گوجر خان سے خام تیل کی دریافت کو انتہائی اہم قرار دیدیا ہے۔

ترجمان وزارت پٹرولیم کے مطابق خام تیل کی دریافت ملک میں انرجی بحران پر قابو پانے میں مدد گار ثابت ہوگی۔

ترجمان کے مطابق ماڑی پٹرولیم نے غوری بلاک کے ڈھاریان ون سے معدنی کنویں سے خام تیل کا بڑا ذخیرہ دریافت ہونے کا اعلان کیا ہے۔

ترجمان وزارت پٹرولیم کے مطابق راولپنڈی کی تحصیل گوجر خان کے قریب تیل کا بڑا ذخیرہ دریافت ہوا ہے،جس سے یومیہ 372 بیرل خام تیل ملنے کا اندازہ لگایا جارہا ہے۔

ترجمان کے مطابق خام تیل کی یہ دریافت پنجاب میں ماڑی پٹرولیم کی دوسری بڑی دریافت ہے۔

ماڑی پٹرولیم لمیٹڈ کے اعلامیے کے مطابق غوری بلاک کے ڈھاریاں 1 معدنی کنویں سے تیل دریافت ہوا ہے، ڈھاریاں ون سے یومیہ 372 بیرل خام تیل ملنےکا تخمینہ لگایا گیا ہے ۔

اعلامیے کے مطابق ماڑی پٹرولیم غوری بلاک میں 65 فیصد جبکہ پاکستان پٹرولیم لمیٹڈ 35 فیصد کی حصہ دار ہے۔

Chatاپنی رائے سے آگاہ کریں