آپ آف لائن ہیں
جنگ ای پیپر
پیر21؍ صفر المظفر 1441ھ 21؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

قومی موسیقی میلے کا آغاز، فنکاروں نے رنگ جمادیا

پاکستان نیشنل کونسل آف دی آرٹس کے زیر اہتمام قومی موسیقی میلہ بھرپور انداز میں پی این سی اے کے اوپن ائیرتھیٹر میں شروع ہوگیا جس میں ملک کے ممتاز لوک گلوکاروں نے مدھر سراور سنگیت پیش کرکے شائقین محفل کے دلوں کو موہ لیا۔

25 اپریل تک جاری رہنے والے میلے میں، قوالی ، کلاسیکل، نیم کلاسیکل ، صوفی، لوک موسیقی سجائی جائے گی، میلے میں ملک کے تمام صوبوں سے فنکار شرکت کر رہے ہیں ۔

تفصیلات کے مطابق اس میلہ میں موسیقی کی تمام اصناف پیش کی جا رہی ہیں ،فلمی نغموں کی یہ شام نغمہ نگار ، گلو کار اور ہدایت کار کو خراج تحسین پیش کرنے کے لیے منائی جارہی ہے۔

میلہ میں جمعے کے روز مشہو ر علاقائی گلوکار اور سازندہ نوازوں نے اپنے اپنے فن کے جوہر دکھائے ، جس میں علاقائی ثقافت کی بھر پور عکاسی دیکھنے میں آئی۔

ڈائریکٹر جنرل پی این سی اے جمال شاہ نے کہا کہ پی این سی اے کی ہمیشہ سے یہی کوشش رہی ہے کہ پاکستان کے ہر گوشہ کی ثقافت کی نمائندگی ہو اس سلسلے میں پی این سی اے اپنی بھر پور کردار ادا کرنے کی کوشش میں ہمہ وقت مصروف ہے ۔

ادارے کو جو اغراض و مقاصد تغویض کئے گئے ہیں ان میں دو ر دراز کے فنکاروں کو سامنے لانا اولین ترجیحات میں شامل ہے ۔

زر سانگا اس کی ایک نمایاں مثال ہیں ادارے نے ان کی ہمیشہ حوصلہ افزائی کی اور ان کے علاوہ اور بھی بہت سے فنکار جو پاکستان کی پہچان بنے وہ بھی پی این سی اے کے پلیٹ فارم کی بدولت ہیں۔

فوک میں مسیط گل ، (کے پی کے) ، ناصر علی ( جھنگ)،عاصمہ راجپوت (راولپنڈی) ، عمران راجہ (کشمیر) ، قربان نیازی(اسلام آباد) ، لیلی جٹی(پنجاب)، انور خیال (کے پی کے) ، نعیم الحسن (سرائیگی)، فضل عباس جٹ (فیصل آباد)، زرسانگا(کے پی کے) ، اور اختر چنال، (بلوچستان) نے اپنی علاقائی گائیگی کے جوہر دیکھائے۔

انٹرٹینمنٹ سے مزید
خاص رپورٹ سے مزید