’’شب برأت‘‘

شبِ برأت کی عظمت کا ہو بیاں کیسے

زبانِ شعر ہو اس شب کی ترجمان کیسے

خدا کے نور کی برسات ہوتی ہے اِس شب

ہر اِک پہ چشمِ عنایات ہوتی ہے اِس شب

خدا کے بندوں پہ برکات ہوتی ہے اِس رات

یہ پورے سال کا کرتی ہے انتظامِ حیات

حسابِ عمر بھی اِس رات ہی میں ہوتا ہے

خدا کی ساری مشیّت ہی کارفرما ہے

ہے رزق و عمر کی تقسیم اس کی ترجیحات

یہ رات گویا ہے شعبان کی شبِ بارات

مُسرتوں کی امیں ہے ندیمؔ، آج کی رات

خدا کے فضل و کرم کی تقسیم آج کی رات

(ریاض ندیم نیازی)