محمد عامر پر ملک و قوم کا قرض ہے، شعیب اختر

پاکستان کے اسپیڈ اسٹار راولپنڈی ایکسپریس شعیب اختر نے ورلڈ کپ کے لئے پاکستانی اسکواڈ کے اعلان کو اچھا قرار دیا ہے تاہم اُن کا کہنا ہے کہ محمد عامر کو ورلڈ کپ میں موقع ملنا چاہئے۔

ایک ویڈیو پیغام میں شعیب اختر کا کہنا ہے کہ عامر پر ملک و قوم کا قرض ہے، اُس کو واپس لانے کے لئے ہم نے بڑی کوشش کی، پاکستان کے لئے کھیلنے کے لئے اُسے زور لگانا چاہئے۔

شعیب اختر کا مزید کہنا ہے کہ اگر ورلڈ کپ اسکواڈ میں محمد عامر شامل نہیں ہوتا تو یہ بہت افسوسناک ہوگا، عامر کو ورلڈ کپ میں موقع ملنا چاہئے۔