• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غلط انجکشن سے جاں بحق بچی کے والدین نے اتائی ڈاکٹر کو معاف کر دیا

تازہ ترین
قومی خبریں
22 اپریل ، 2019
غلط انجکشن سے جاں بحق بچی کے والدین نے اتائی ڈاکٹر کو معاف کر دیا

کراچی کے علاقے کورنگی بلال کالونی میں مبینہ طورپر غلط انجکشن سے انتقال کرجانے والی 4 سالہ بچی رضیہ کے والدین نے ذمہ دار اتائی ڈاکٹر عمران کو معاف کر دیا۔

کراچی کے علاقے کورنگی بلال کالونی میں 4 سالہ رضیہ کو تیز بخار ہونے کے باعث مقامی کلینک لایا گیا۔

ورثاء کے مطابق ڈاکٹر نے بچی کو غلط انجکشن لگا دیا جس سے وہ انتقال کر گئی۔

پولیس کے مطابق انجکشن لگنے کے بعد بچی کی حالت مزید خراب ہوتی چلی گئی اور وہ زندگی کی بازی ہار گئی، جس کے بعد بچی کی لاش پوسٹ مارٹم کے لیے اسپتال منتقل کی گئی۔

اسپتال انتظامیہ کے مطابق ورثاء پوسٹ مارٹم کرائے بغیر لاش واپس لے گئے۔

پولیس نے واقعے میں ملوث ڈاکٹر عمران کو حراست میں لے کر تفتیش شروع کردی ہے، دوسری جانب غلط انجکشن سے جاں بحق ہونے والی بچی رضیہ کے والدین نے اتائی ڈاکٹر عمران کو معاف کر دیا ہے۔

تازہ ترین