آرمی چیف سے سعودی نائب وزیر دفاع کی ملاقات

آرمی چیف جنرل قمر جاوید باجوہ سے سعودی عرب کے نائب وزیر دفاع محمد بن عبداللہ العیش نے ملاقات کی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف سے سعودی نائب وزیردفاع کی ملاقات جنرل ہیڈکوارٹرز (جی ایچ کیو) راولپنڈی میں ہوئی۔

آئی ایس پی آر کا کہنا ہے کہ ملاقات میں پاکستان اور سعودی عرب کے درمیان دفاعی ، سیکیورٹی تعاون اور باہمی دلچسپی کے امور پرتبادلہ خیال کیا گیا۔