دنیا بھر میں پرکشش خواتین کے درمیان مقابلہ حسن کا انعقاد تو کیا جا تا ہی ہے لیکن حال ہی میں امریکی ریاست آئیووامیں کتوں کی ایک خاص نسل بُل ڈاگزکے مقابلہ حسن کا انعقاد کیا گیا۔
40ویں سالانہ اس مقابلے میں صحتمند اور توانا بُل ڈاگز نے ما ڈلز کی طرح رنگ برنگے ملبوسات،وگز،ہیٹس،ٹراؤزر اور کو ٹس پہنے ریمپ واک کرتے ہوئے اپنے حسن کے جلوے دکھائے۔
دو سالہ بیو(Beau) نامی بْل ڈاگ اس مقابلے میں شریک اپنے درجنوں حریفوں کو پیچھے چھوڑ کر ججز کو متاثر کر نے میں کامیاب رہاجسکے سر پر سال کے خوبصورت ترین بل ڈاگ کاتاج سجا دیا گیا۔
مقابلے کے اختتام پر جیتنے والے بل ڈاگ کیلئے خصوصی طورپر تیار کیا گیا کیک بھی پیش کیا گیا جبکہ اس موقع پر تماشائیوں کی بڑی تعداد بھی موجود تھی۔