آپ آف لائن ہیں
جنگ ای پیپر
پیر21؍ صفر المظفر 1441ھ 21؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

فرنٹیئرفاؤنڈیشن نے ”تھیلی سیمیا سے نجات “مہم کاآغازکردیا

پشاور(نیوزڈیسک)فرنٹیئرفاوئڈیشن نے تھیلی سیمیا آگاہی پروگرام کے تحت ” تھیلی سیمیاسے نجات“ مہم کاآغاز کردیا،اس سلسلے میں فرنٹیئرفاؤنڈیشن کے زیراہتمام سیکاس یونیورسٹی پشاور اور وومن چیمبر آف کامرس میں تھیلی سیمیا سے آگاہی کے حوالے سے تقاریب کاانعقادکیاگیا، اس موقع پر فرنٹیئرفاؤنڈیشن کے ایڈمنسٹریٹر ڈاکٹر فخرزمان نے شرکاءکو تھیلی سیمیا جیسی خون کی موروثی بیماری کے حوالے سے آگاہ کیااور خاندانوں میں شادی سے قبل تھیلی سیمیا ٹیسٹ کی ضرورت پرزوردیا اور کہا کہ اگر ہم شادی سے پہلے تھیلی سیمیا ٹیسٹ کروالیں تو آئندہ نسلوں کومحفوظ بناسکتے ہیں،انہوں نے کہا کہ تھیلی سیمیا آگاہی پروگرام کے تحت تھیلی سیمیا سے نجات مہم کاآغاز اسی سلسلے کی کڑی ہے تاکہ تھیلی سیمیا جو عمربھرکی بیماری ہے کے حوالے سے عوام میں شعور اجاگرکیاجاسکے اور انہیں یہ بھی بتایا جاسکے کہ وہ اگراحتیاط سے کام لیں توننھے بچوں کو انتقال خون جیسے سخت ترین علاج کی تکلیف سے بچایاجاسکتاہے۔

پشاور سے مزید