فیصل آباد میں پسند کی شادی کرنیوالا نوجوان اغواء

فیصل آباد میں پسند کی شادی کرنے والے نوجوان کو مبینہ طور پر اغواء کر لیا گیا، مغوی پر تشدد کیے جانے کی ویڈیو سوشل میڈیا پر وائرل ہو گئی۔

پولیس نے نوجوان کے اغواء کا مقدمہ درج کر کے اس کی بازیابی اور ملزمان کی گرفتاری کے لیے کارروائی شروع کر دی ہے۔

ذرائع کے مطابق نصیر آباد کے رہائشی 27 سالہ ندیم نے چند ماہ قبل پسند کی شادی کی تھی، جس کےبعد دونوں میاں بیوی لاپتہ ہو گئے تھے۔

2 روز قبل ندیم پر تشدد کی سوشل میڈیا پر وائرل ہونے والی ویڈیو ورثاء تک پہنچی تو انہوں نے پولیس سے رابطہ کیا۔