کراچی (اسٹاف رپورٹر ) کسٹم کورٹ نے امریکی ڈالرز بیرون ملک بھیجنے، اربوں روپے کی منی لانڈرنگ اور بے نامی اکائونٹس کے 3 مقدمات میں ملزمان کے وارنٹ گرفتاری جاری کردیئے۔ جمعرات کو کسٹم عدالت کے روبرو امریکی ڈالرز بیرون ملک بھیجنے، اربوں روپے کی منی لانڈرنگ اور بے نامی اکائونٹس سے متعلق منی لانڈرنگ، جعلی اکائونٹس کیس کے 3 مختلف مقدمات کی سماعت ہوئی۔ تفتیشی افسر نے عدالت کو آگاہ کیا کہ ملزمان گرفتاری سے بچنے کے لیے روپوش ہوگئے ہیں ۔عدالت نے 4 لاکھ سے زائد امریکی ڈالرز امریکہ منتقل کرنے والے خاندان کے وارنٹ گرفتاری ایک بار پھر جاری کردیئے۔ ملزمان میں پرویز علی، بیٹیاں سارہ،انعم علی اور بیٹا جبران شامل ہیں۔ عدالت نے 36 کروڑ کی مشکوک ٹرانزیکشن کرنے والے بھٹو کالونی کے رہائشی محمد ابراہیم سمیت 8 ارب روپے کی مشکوک ٹرانزیکشن کرنے والے 3 تاجروں کے بھی وارنٹ گرفتاری جاری کردیئے۔ تاجروں میں سالار انٹرپرائزز اور سالار مائننگ کا پروپرائٹر زور طالب خان و دیگر شامل ہیں۔ تفتیشی افسر کے مطابق کراچی کی ایک فیملی نے منی لانڈرنگ کے لیے 2016 میں 11 بینک اکائوئنٹس کھولے۔ ملزمان اب تک 4 لاکھ, 94 ہزار 500 ڈالرز امریکہ منتقل کر چکے۔ نصرت بھٹو کالونی کے رہائشی محمد ابراہیم کے اکاوئنٹ میں 36 کروڑ کی ٹرانزیکشن ہوئی۔ بے نامی اکائونٹ میں یکم جولائی 2015 تا 30 جون 2018 تک رقم منتقل کی گئی۔ 3 سالوں میں مجموعی طور پر 36 کروڑ 94 لاکھ سے زائد کی رقم جمع کرائی گئی۔ 8 ارب سے زائد کی ٹرانزیکشن کے 8 بے نامی اکاوئنٹس بھی منجمد کیے جا چکے۔
فرمان الہی
نماز کے اوقات
