فریال تالپور کی کال اپ نوٹس معطلی کی درخواست، فیصلہ محفوظ

اسلام آباد ہائی کورٹ نےجعلی بینک اکاؤنٹس کیس میں فریال تالپور کی نیب کا کال آپ نوٹس کالعدم کرنے کی درخواست پر فیصلہ محفوظ کر لیا۔

عدالت عالیہ نے ریمارکس دیئے کہ کال اپ نوٹس کو معطل نہیں کر سکتے، شاید کل معاملہ منی لانڈرنگ کی طرف چلا جائے۔

وکیل فاروق ایچ نائیک نے کہا کہ لاہورمیں آ صف زرداری کے گھر کے لیے رقم 2 نجی کمپنیوں کے اکاؤنٹ سے ادا ہوئی، اس سے سرکاری خزانے کو نقصان نہیں پہنچا۔

انہوں نے مزیدکہا کہ یہ نائن اے کے زمرے میں نہیں آتا، نیب کو نوٹس کر کے جواب مانگا جائے۔

جسٹس عامر فاروق نے کہا کہ آپ یہی جواب نیب کو دے دیں، پہلے فیصلہ تو ہو کہ یہ نیب کے دائرہ اختیار میں آتا بھی ہے یا نہیں۔

عدالت نے کہا کہ کال اپ نوٹس کو معطل نہیں کر سکتے، شاید کل معاملہ منی لانڈرنگ کی طرف چلا جائے۔