صادق آباد کے نجی بینک میں دھماکا، 8 افراد زخمی

پنجاب کے ضلع رحیم یار خان کی تحصیل صادق آباد کے نجی بینک میں دھماکا ہوا ہے جس کی آواز دور دور تک سنائی دی۔

صادق آباد پولیس کےمطابق بینک میں ہونے والے دھماکے کے نتیجے میں 8 افرادزخمی ہوئے ہیں جنہیں اسپتال منتقل کیا گیا ہے۔

پولیس کا یہ بھی کہنا ہے کہ دھماکے سے بینک کی عمارت کو نقصان پہنچا ہے، دھماکے کی نوعیت جاننے کی کوشش کی جا رہی ہے، بظاہر یہ دھماکا گیس سلنڈر پھٹنے کا لگتا ہے۔