آپ آف لائن ہیں
جنگ ای پیپر
بدھ16؍ صفرالمظفّر 1441ھ 16؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

حسن علی خطرناک فاسٹ بولرز کی فہرست میں شامل

آئی سی سی کرکٹ ورلڈ کپ میں بیٹسمینوں کے لیئے مشکلات پیدا کرنے والے خطرناک فاسٹ بولرز کی فہرست تیار کر لی گئی ہے اس لسٹ میں پاکستان کے حسن علی بھی شامل ہیں ۔

کرکٹ ورلڈ کپ شروع ہونے میں اب کچھ ہی دن باقی ہیں، ایسے میں ان فاسٹ بولرزکی ایک فہرست تیار کی گئی ہے جو انگلینڈ اینڈ ویلز میں ہونے والے میچز میں بیٹسمینوں کے لیے مشکلات کا باعث بن سکتے ہیں ۔

اس فہرست میں 5 فاسٹ بولرز کو جگہ ملی ہے جس میں پاکستان کے حسن علی بھی شامل ہیں، عالمی نمبر ایک بھارت کے جسپریت بھمرا بھی اس میں موجود ہیں، انہیں آخری اوورز کا اسپیشلسٹ بولر قرار دیا جاتا ہے۔

جنوبی افریقا کے نوجوان فاسٹ بولر کگیسو ربادا نے اسپیڈ اور سوئنگ کی وجہ سے فہرست میں جگہ بنائی ہے، حسن علی نے 2017 میں انگلینڈ میں ہونے والی چیمپئنز ٹرافی میں 13 وکٹیں حاصل کیں اورپلیئر آف دی ٹورنا منٹ قرار پائے۔

مچل اسٹارک اور ٹرینٹ بولٹ 2015 ورلڈ کپ کے کامیاب ترین بولرز رہے ہیں، ماہرین کا کہنا ہے کہ ان فاسٹ بولرز کے لیے انگلینڈ اینڈ ویلز کی وکٹیں کڑا امتحان بھی ثابت ہوں گی۔

کھیلوں کی خبریں سے مزید