خاتون آفیسر ہراساں، سی ای او پی آئی اے سے جواب طلب

لاہور ہائی کورٹ نے پی آئی اے کی خاتون آفیسر ثناء وحید کو ہراساں کرنے کے خلاف درخواست پر سی ای او پی آئی سے جواب مانگ لیا ہے۔

لاہور ہائی کورٹ کے جسٹس شاہد مبین نے سینئر ریزرویشن ٹکٹنک آفیسر ثناء وحید کی درخواست پر سماعت کی جس میں الزام لگایا گیا کہ اسپیشل اسسٹنٹ سی ای او پی آئی اے کامران انجم نے درخواست گزار کو ہراساں کیا۔

وکیل نے بتایا کہ اسپیشل اسسٹنٹ سی ای او کامران انجم کے خلاف انکوائری کے لیے درخواست بھی دی، لیکن اس پر کوئی ایکشن نہیں لیا گیا۔

درخواست گزار کے وکیل نے عدالت عالیہ سے استدعا کی کہ پی آئی اے حکام کو کامران انجم کے خلاف انکوائری کرنے کا حکم دیا جائے۔