آپ آف لائن ہیں
جنگ ای پیپر
پیر 20؍ربیع الاوّل 1441ھ 18؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

بھارتی کمسن لڑکی کا قتل یا گھر والوں کی لاپرواہی ؟

ہمارے ہاں اکثرایسا ہوتا ہے کہ خاندان والے کسی تقریب میں جاتےہوئےگھر کو باہر سے تالا لگادیتے ہیں اور کوئی نہ کوئی گھر کے اندر موجود ہوتاہےمگر اکثر یہ عام سی بات حادثات میں بدل جاتی ہے۔

ایسا ہی ایک ہولناک واقعہ گزشتہ روز بھارتی شہر ممبئی میں واقع سبربن داداڑ کے پولیس اسٹیشن کمپاؤنڈ میں پیش آیا جہاں 16 سالہ شراوانی چون کی آگ لگنے سے مو ت واقع ہو گئی۔

انڈیا ٹوڈے کے مطابق شراوانی چون اپنے کمرے میں سو رہی تھی جبکہ اُس کے گھر والے سمجھے کے شراوانی اپنے کمرے میں پڑھ رہی ہے اور اُس کو باہر جانے کی ضرورت نہیں پڑےگی، شراوانی کی فیملی نے شراوانی کے کمرے سمیت گھر کو لاک کیا اور ایک شادی میں شرکت کے لیے چلے گئے۔

فائر بریگیڈ کے مطابق آگ 1بج کر 45 منٹ پربھڑکی اور داداڑ پولیس اسٹیشن کمپاؤنڈ میں موجود 5 منزلہ عمارت کی تیسری منزل کو اپنی لپیٹ میں لے لیا،فائر بریگیڈ کے نمائندے نے تفصیلات بتاتے ہوئے انکشاف کیا کے شراوانی کا کمرہ اند سے لاک تھا جبکہ کمرے سے مٹی کے تیل کی ایک خالی بوتل بھی برآمد ہوئی ہے۔

فائر بریگیڈ کے نمائندے نے مزید بتایا کہشراوانی کو مقامی اسپتال لے جایاگیا مگر وہ آگ سے بُری طرح سے جھلس چکی تھیں، ڈاکٹرز نے شراوانی کو داخل کرنے سے منع کر دیا اور اُ ن کی موت کی تصدیق کی۔

شراوانی کے والد وکولا پولیس اسٹیشن میں نائک پولیس تعینات ہیں۔

پولیس کا کہنا ہے کہ اس حادثے میں کافی نقصان ہوا ہےاور شبہ ہےکہ اپارٹمنٹ میں نصب ایئر کنڈیشنڈمیں شارٹ سرکٹ کے نتیجے میں آگ لگی جس نے سارے اپارٹمنٹ کو اپنی لپیٹ میں لے لیا۔

معاملےکی مزید تفتیش جاری ہے اور اپارٹمنٹ سے بر آمد ہونے والی مٹی کے تیل کی بوتل کی بھی تفتیش کی جارہی ہے۔

بین الاقوامی خبریں سے مزید