آپ آف لائن ہیں
جنگ ای پیپر
جمعرات16؍ ربیع الاوّل 1441ھ 14؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ڈاکٹر احمد علی برقی اعظمی

دیکھتے ہیں اہلِ ایماں تیری راہ، الوداع اے ماہِ رمضاں الوادع

تجھ پہ قرباں مال و دولت عزّ و جاہ، الوداع اے ماہِ رمضاں الوادع

مٹ گئے تیری بدولت سب گناہ، الوداع اے ماہِ رمضاں الوادع

جارہا ہے چھوڑ کر تو ہم کو آہ، الوداع اے ماہِ رمضاں الوادع

ہر کس و ناکس کا ہے تو خیر خواہ، الوداع اے ماہِ رمضاں الوادع

تجھ سے تھی شیطان کے شر سے پناہ، الوداع اے ماہِ رمضاں الوادع

منبعِ رشد و ہدایت اور رفاہ، الوداع اے ماہِ رمضاں الوادع

تیری عظمت کی ہر اک شے ہے گواہ، الوداع اے ماہِ رمضاں الوادع

تونے دکھلائی ہمیں نیکی کی راہ، الوداع اے ماہِ رمضاں الوادع

صف بہ صف تھے لوگ تاحدّ نگاہ، الوداع اے ماہِ رمضاں الوادع

روح پرور ہر جگہ تھی سجدہ گاہ، الوداع اے ماہِ رمضاں الوادع

گھر ہو مسجد مدرسہ یا خانقاہ، الوداع اے ماہِ رمضاں الوادع

تھی منّور نورِ حق کی جلوہ گاہ، الوداع اے ماہِ رمضاں الوادع

تھا پُر از فضلِ خدا برقی یہ ماہ، الوداع اے ماہِ رمضاں الوادع