’’شہباز صاحب آپ کی یہاں تلاش جاری ہے‘‘

وزیر اعظم کی معاون خصوصی برائے اطلاعات فردوس عاشق اعوان نے ایک بیان میں کہا ہے کہ شہباز شریف صاحب آپ کی یہاں تلاش جاری ہے، آپ کا ’’چیمبر‘‘ خالی ہے۔

سماجی رابطے کی ویب سائٹ پر اپنے ایک ٹوئٹ میں وزیر اعظم کی معاون خصوصی برائے اطلاعات فردوس عاشق اعوان نے کہا کہ میدان چھوڑ کر بھاگنے والے دوسروں کو دروغ گوئی کا کیا درس دے رہے ہیں؟

انہوں نے شہباز شریف کو ہدف تنقید کا نشانہ بناتے ہوئے طنز کیا کہ شہباز صاحب اسحاق ڈار کے ساتھ واپس آئیں تاکہ سچ جھوٹ کا پتہ چلے۔

فردوس عاشق اعوان نے کہا کہ شہبازشریف صاحب "چیمبر" آپ کا خالی ہے،آپ کی یہاں تلاش جاری ہے۔