نیشنل الیکٹرک پاور ریگولیٹری اتھارٹی نے فی یونٹ بجلی ایک روپے 49 پیسے مہنگی کرنے کی منظوری دے دی۔
بجلی مہنگی کرنےکی منظوری گھریلو،کمرشل ،صنعتی،زرعی صارفین کیلئے کی گئی ہے ۔
کےالیکٹرک کے سوا ملک بھرکی تمام تقسیم کارکمپنیوں کےصارفین کیلئےبجلی مہنگی کی گئی ہے۔
نیپرا نےبجلی مہنگی کرنےکی منظوری جولائی سےدسمبرتک کی2سہ ماہیوں کی ایڈجسٹمنٹ کی مد میں دی ۔
بجلی مہنگی کرنے سے صارفین پر 189 ارب 63کروڑ روپے کا بوجھ پڑے گا۔
نیپرا نے آخری مرتبہ 4 اپریل کو بجلی کی قیمت میں 81 پیسے اضافے کی منظوری دی اور اسی ماہ کی 24 تاریخ کو 4 پیسے فی یونٹ سستی کرنے کی بھی منظوری دی تھی۔