آپ آف لائن ہیں
جنگ ای پیپر
منگل19؍ذیقعد 1440ھ 23؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنوبی پنجاب کے عوام سے زیادتیوں کے ازالے کا وقت آ گیا، عثمان بزدار

وزیر اعلیٰ پنجاب سردار عثمان بزدار کا کہنا ہے کہ ماضی میں جنوبی پنجاب کے عوام کے ساتھ کی گئی زیادتیوں کے ازالے کا وقت آ گیا ہے۔

لاہور سے جاری کیے گئے بیان میں انہوں نے کہا کہ جنوبی پنجاب کے ساتھ سابق دور میں ہر سطح پر زیادتیاں روا رکھی گئیں، صوبے میں وسائل کی منصفانہ تقسیم پر یقین رکھتے ہیں۔

وزیر اعلیٰ پنجاب عثمان بزدار نے کہا کہ آئندہ مالی سال کے ترقیاتی بجٹ کا 35فیصد جنوبی پنجاب کے لیے مختص کیا ہے۔

انہوں نے مزید کہا کہ جنوبی پنجاب کے لیے رقوم کسی اور مقصد کے لے استعمال نہیں کی جا سکیں گی، جبکہ مختص فنڈز کسی دوسرے منصوبے کو ٹرانسفر نہیں ہو سکیں گے،

عثمان بزدار نے یہ بھی کہا کہ حکومت جنوبی پنجاب کے عوام سے کئے گئے وعدے پورے کر ے گی، وہاں پائیدار ترقی کا سفر مکمل کیا جائے گا۔

Chatاپنی رائے سے آگاہ کریں