آپ آف لائن ہیں
جنگ ای پیپر
جمعرات14؍ ذیقعد1440ھ18؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
’ٹینشن نہ لیں بجٹ منظور کرالیں گے‘
فائل فوٹو

وزیراعظم عمران خان نے کہا ہے کہ وزراء ٹینشن نہ لیں بجٹ ہر صورت منظور کرالیں گے۔

وزیراعظم عمران خان کی زیر صدارت کابینہ کا اجلاس ہوا،جس میں اپوزیشن سے نمٹنے کی حکمت عملی تیار کی گئی۔

کابینہ اجلاس سے خطاب میں وزیراعظم نے کہا کہ وہ نہ بلیک میل ہوتے ہیں، نہ ہی ڈرتے ہیں،اپوزیشن احتجاج کرنا چاہتی ہے تو سو بار کرے۔

انہوں نے وزراء کو بجٹ منظوری کی ٹینشن نہ لینے کی ہدایت کرتے ہوئے کہا کہ بجٹ ہرصورت میں منظور کرالیں گے۔

عمران خان نے وزراء سے مزید کہا کہ کسی کی بلیک میلنگ میں نہ آئیں،کسی مصلحت کا شکار نہ ہوں،اینٹ کا جواب پتھر سے دیں۔

وزیراعظم نے کہا کہ اپوزیشن احتجاج کرنا چاہتی ہے تو سو بار کرے، عوام کی زندگی میں خلل ڈالا گیا تو قانون حرکت میں آئے گا۔

ان کا کہنا تھا کہ اگر اپوزیشن آپ کو کسی جگہ بولنےنہیں دیتی تو آپ بھی انہیں بولنےنہ دیں، اپنے موقف سے کسی صورت پیچھے نہیں ہٹنا۔

عمران خان نے یہ بھی کہا کہ اسمبلی کے ساتھ ساتھ میڈیا پر بھی اپنے بیانے پر قائم رہیں اور بھرپور جواب دیں۔

Chatاپنی رائے سے آگاہ کریں