آپ آف لائن ہیں
جنگ ای پیپر
پیر13؍ربیع الاوّل 1441ھ 11؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

جنوبی افریقا کا نیوزی لینڈ کو 242 رنز کا ہدف

آئی سی سی کرکٹ ورلڈ کپ کے 25 ویں میچ میں کیوی بولرز کی نپی تلی بولنگ کے باعث جنوبی افریقا کی ٹیم بڑا اسکور نہ کرسکی اور جیت کے لئے 242 رنز کا ہدف دیا ہے۔

بارش کے باعث دونوں ٹیموں کی اننگز کا ایک، ایک اوور کم کردیا گیا تھا۔

پہلے بیٹنگ کرتے ہوئے جنوبی افریقا کی اننگز کا آغاز اچھا نہ رہا اور صرف 9 رنز پر ڈی کوک 5 رنز بناکر ٹرینٹ بولٹ کی گیند پر کلین بولڈ ہوگئے۔

ہاشم آملہ اور ڈوپلیسی نے دوسری وکٹ کی شراکت میں 50 رنز جوڑ کر ٹیم کا اسکور 59 تک پہنچایا، اس موقع پر ڈوپلیسی کو فرگوسن نے 23 رنز پر کلین بولڈ کردیا۔

نئے بیٹسمین مارکرم نے ہاشم آملہ کے ساتھ مل کر اننگز کو آگے بڑھایا، آملہ 83 گیندوں پر 55 رنز کی سست رفتار اننگز کھیل کر سینٹنر کی گیند پر کلین بولڈ ہوئے۔

مارکرم بھی تیزی سے رنز کرنے میں ناکام رہے اور 55 گیندوں کا سامنا کرکے 38 رنزپر آؤٹ ہوئے جبکہ ڈیوڈ ملر نے 36 رنز کی اننگز کھیلی۔

یوں جنوبی افریقا نے مقررہ 49 اوورز میں 6 وکٹوں کے نقصان پر 241 رنز بنائے۔

فرگوسن نیوزی لینڈ کے سب سے کامیاب بولر رہے، انہوں نے 3 کھلاڑیوں کو آؤٹ کیا جبکہ بولٹ، گرینڈہوم اور سینٹنر نے ایک، ایک وکٹ حاصل کی۔

کھیلوں کی خبریں سے مزید