آپ آف لائن ہیں
جنگ ای پیپر
منگل 21؍ربیع الاوّل 1441ھ 19؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

علیم خان پنجاب اسمبلی کی 4 قائمہ کمیٹیوں سے مستعفی

پنجاب کے سابق سینئر وزیر عبدالعلیم خان نے پنجاب اسمبلی کی 4 قائمہ کمیٹیوں کی رکنیت سے استعفیٰ دے دیا.

ذرائع کے مطابق سابق سینئر وزیر پنجاب عبدالعلیم خان نیب کیس میں ضمانت کے بعد پنجاب اسمبلی کی استحقاق کمیٹی سے مستعفی ہوگئے، اسمبلی سیکریٹریٹ نے تمام کمیٹیوں سےان کا استعفیٰ منظور کرکے نوٹیفکیشن جاری کر دیا۔

علیم خان نےہیومن رائٹس اور اقلیتی امور کی قائمہ کمیٹی سے بھی استعفیٰ دے دیا جبکہ پروڈکشن آرڈرز کی مزید ضرورت نہ رہنے پر وہ پنجاب اسمبلی کی پبلک اکاؤنٹس کمیٹی ٹو اور خصوصی کمیٹی 6 کی رکنیت سے بھی الگ ہوگئے۔

اسمبلی سیکریٹریٹ نے تمام کمیٹیوں سےان کا استعفیٰ منظور کرلیا۔

ذرائع کے مطابق عبدالعلیم خان کو نیب کی گرفتاری کے دوران ان کمیٹیوں کا اس لیے ممبر بنایا گیا تھا تاکہ پنجاب اسمبلی میں زیادہ سے زیادہ وقت گزارنے کے لیے ان کے پروڈکشن آرڈر جاری کیے جا سکیں۔

قومی خبریں سے مزید