ناصر حسین نے پاکستانی شائقین سے کونسا سوال کیا؟

پاک بھارت تعلقات پر دنیا کے تمام ملکوں کی نظررہتی ہے لیکن اب غیر ملکی کرکٹرز بھی اس میں کافی دلچسپی لیتے دکھائی دے رہے ہیں۔

ٹوئٹر پر ناصرحسین نے پاکستانی شائقین سے سوال کیا کہ انگلینڈ اور بھارت کے میچ میں وہ کس ٹیم کو سپورٹ کریں گے۔

سابق انگلش کرکٹر اور کمنٹیٹر ناصر حسین کا سوال سب کی توجہ کا مرکز بن گیا۔ناصرحسین کے ٹوئٹر اکاؤنٹ پر دنیا بھر سے ہزاروں لوگوں نے انہیں جواب دیا ۔

ناصر حسین کا سوال اس وجہ سے اہمیت کا حامل ہے کیونکہ انگلینڈ کی شکست کی صورت میں پاکستان کو ایونٹ میں آگے جانے میں بہت مدد ملے گی۔

واضح رہے بھارت اور انگلینڈ کے درمیان میچ اتوار کو کھیلا جائے گا۔