آپ آف لائن ہیں
جنگ ای پیپر
بدھ13؍ذیقعد 1440ھ 17؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کے علاقے سہراب گوٹھ میں نامعلوم ملزمان نے ایک گاڑی پر فائرنگ کر دی جس کے نتیجے میں ایک شخص جاں بحق ہو گیا۔

سہراب گوٹھ میں نامعلوم ملزمان کی گاڑی پر فائرنگ سے جاں بحق ہونے والے شخص کی شناخت سید شکیل حسین کے نام سے ہوئی ہے۔

پولیس کے مطابق مقتول سید شکیل حسین محمود آباد کا رہائشی تھا، نامعلوم ملزمان مقتول کا پہلے سے تعاقب کر رہے تھے۔

پولیس کا کہنا ہے کہ مقتول شکیل کی گاڑی پر سامنے سے فائرنگ کی گئی، سیاہ رنگ کی گاڑی پر فرنٹ اسکرین پر گولی کا ایک نشان موجود ہے۔

پولیس کا کہنا ہے کہ واقعے کی نوعیت کے حوالے سے کچھ بھی کہنا قبل از وقت ہو گا، تاہم ابتدائی تحقیقات کے مطابق واقعہ ذاتی دشمنی کا شاخسانہ لگتا ہے۔

پولیس حکام کی جانب سے واقعے کی تحقیقات کے لیے ٹیم بنا دی گئی ہے۔

Chatاپنی رائے سے آگاہ کریں