بھارت درآمدات پر ٹیرف ختم کرے، ٹرمپ

امریکی صدر ڈونلڈ ٹرمپ نے بھارت سے امریکی درآمدات پر عائد ٹیرف ختم کرنے کا مطالبہ کر دیا۔

امریکی صدر ڈونلڈ ٹرمپ نے سوشل میڈیا پر جاری بیان میں بھارت کو تنقید کا نشانہ بناتے ہوئے کہا کہ بھارت کئی سالوں سے امریکی مصنوعات پر زیادہ ٹیرف عائد کر رہا ہے، وہ اس معاملے پر بھارتی وزیراعظم مودی سے بات کریں گے۔

ٹرمپ کا کہنا تھا کہ امریکی درآمدات پر بھارتی ٹیرف ناقابل قبول ہے، بھارت اسے واپس لے۔

واضح رہے کہ امریکی صدر اور بھارتی وزیراعظم جاپان میں جی 20 اجلاس میں شرکت کریں گے جہاں دونوں رہنماؤں کی سائیڈ لائن ملاقات بھی طے ہے۔