آپ آف لائن ہیں
جنگ ای پیپر
منگل12؍ذیقعد 1440ھ 16؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد میں 18500 گھروں کا سنگ بنیاد رکھ دیا، ڈیڑھ سال میں لوگوں کو اپنا گھر دینگے، عمران خان

اسلام آباد(مانیٹر نگ سیل) وزیراعظم عمران خان نے اسلام آباد میں نیا پاکستان ہاوسنگ منصوبہ کا سنگ بنیاد رکھ دیا۔ وزیراعظم عمران خان نے اسلام آباد میں نیا پاکستان ہاوسنگ منصوبہ کا سنگ بنیاد رکھ دیا، اسلام آباد کے زون فور میں منصوبے کا سنگ بنیاد رکھا گیا اس موقع پر خصوصی تقریب منعقد کی گئی۔ منصوبے کے تحت 18 ہزار 500 گھر بنائے جائیں گے۔نیا پاکستان ہاؤسنگ پراجیکٹ کے سنگ بنیاد رکھنےکی تقریب سے خطاب کرتے ہوئے وزیراعظم عمران خان کا کہنا تھا کہ اسلام آباد میں 2 سیکٹر جہاں کچی آبادیاں ہیں وہاں ہاؤسنگ اسکیم شروع کررہےہیں، اب تنخواہ دار طبقہ بینکوں سے قرض لیکر اپنا مکان بنا سکے گا۔اس اسکیم میں حکومت پرائیویٹ سیکٹر کے ساتھ مل کر بنا رہی ہے، یہ ساڑھے 18 ہزار گھروں کا پراجیکٹ ہے اور اس میں 10 ہزار گھر ان لوگوں کو ملیں گے جو اپنے پیسے سے گھر نہیں خرید سکتے، ڈیڑھ سال کے اندر ہم لوگوں کو گھر دے چکے ہوں گے۔وزیراعظم کا کہنا تھا کہ میراخواب ہے کہ جو اپنا گھر بنانےکا سوچ

بھی نہیں سکتےان کو گھر بنانےکاموقع ملے، دیگر ممالک میں بینک گھر بنانے کے لیے قرض دیتے ہیں لیکن پاکستان میں غریب گھر اس لیے نہیں بنا سکتے کہ بینک گھر بنانے کے لیے قرض نہیں دیتے، ہم ایک نیا قانون بھی لارہے ہیں تاکہ لوگ بینک سے قرض لے کر گھر بناسکیں۔

Chatاپنی رائے سے آگاہ کریں