کراچی: لیاری میں رینجرز کی کارروائی، اسلحہ اور بم برآمد

12 جولائی ، 2019

لیاری میں رینجرز کی کارروائی، اسلحہ اور آوان بم برآمد

پاکستان رینجرز سندھ نے کراچی کے علاقے لیاری شاہ بیگ لین میں کارروائی کرتے ہوئے اسلحہ، ایمونیشن اور آوان بم بر آمد کر لیے۔

ترجمان رینجرز کے مطابق آپریشن انٹیلی جنس معلومات کی بنیاد پر کیا گیا، برآمد شدہ اسلحہ اور ایمونیشن لیاری گینگ وار کی جانب سے ممکنہ دہشت گردی اور جرائم کی کارروائیوں کے لیے چھپایا گیا تھا۔

رینجرز ذرائع کے مطابق بر آمد کیا گیا اسلحہ اور ایمونیشن لیاری گینگ وار کی جانب سے انتہائی مہارت کے ساتھ چھپایا گیا تھا، بر آمد کیے گئے ہتھیاروں میں 2 ایل ایم جیز، 2 ایس ایم جیز، 3 آٹھ ایم ایم کی رائفلیں، ایک ریپیٹر، 9 ایم ایم کا ایک پسٹل،ایک 30 بور پسٹل، 22 بور کا ایک پسٹل، 4 ایمونیشن بُلٹ بکس ایل ایم جی، 2 ایمونیشن بلٹ ایس ایم جی اور 25 آوان بم شامل ہیں۔

برآمد شدہ ایمونیشن میں ایل ایم جی کے 2 ہزار راؤنڈز، 8 ایم ایم کے 4230 راؤنڈز، ایس ایم جی کے 30 راؤنڈز، 38 بور کے 20 راؤنڈز اور 22 بور کے 9 راؤنڈز شامل ہیں۔

رینجرز نے عوام سے شر پسند عناصر کی نشاندہی کے لیے قریبی چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03162369996 پر کال یا ایس ایم ایس کے ذریعے اطلاع دینے کی اپیل کی ہے۔

تازہ ترین