آپ آف لائن ہیں
جنگ ای پیپر
جمعرات14؍ ذیقعد1440ھ18؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں باپ کو فالج ہوجانے کے بعد معاشی حالات سے تنگ 8 سال کی بچی خوشی کے واٹر ٹینکر چلانے کی ویڈیو سامنے آگئی۔

سوشل میڈیا پر وائرل ہونے والی ویڈیو میں دکھایا گیا ہے کہ 8 سالہ خوشی نے شیرشاہ سے رشید آباد تک پانی کا ٹینکر چلایا ہے۔

ویڈیو میں جب بچی سے اس کے ٹینکر چلانے کی وجہ دریافت کی گئی تو اس کا کہنا تھا کہ وہ لوگ غریب ہیں اور اس کے والد کو فالج ہوگیا ہے، جس کی وجہ سے وہ ٹینکر چلانے پر مجبور ہے۔

بچی خوشی کا کہنا تھا کہ اسے اسکول جانے کا بہت شوق ہے اور وہ پاک فوج میں جانا چاہتی ہے۔

اس واقعے سے متعلق ٹریفک پولیس  سے دریافت کیا گیا کہ ایک بچی ٹینکر چلا رہی ہے اور اگر یہ ٹینکر کسی حادثے کا شکار ہوا تو ذمےدار کون ہوگا؟ جس پر پولیس نے بتایا کہ بچی کی ٹینکر چلانے کی ویڈیو کسی اور مقصد کے تحت بنائی گئی ہے۔

پولیس کا کہنا تھا کہ کچھ وقت پہلے بھی اس بچی کی ایک ویڈیو سامنے آچکی ہے جس میں وہ موٹر سائیکل چلا رہی تھی اور اب ٹینکر والی ویڈیو سامنے لائی گئی ہے۔

انہوں نے بتایا کہ کراچی ویسٹ کے ایریا سے کسی بچی کے ٹینکر چلانے کی کوئی شکایت موصول نہیں ہوئی ہے۔

Chatاپنی رائے سے آگاہ کریں