نوجوان نے برق رفتاری سے رسیاں کود کر اپنا ہی ریکارڈ توڑ ڈالا

ناروے میں ایک چینی نوجوان لڑکے نے 30سیکنڈ میں 143 بار رسی پھلانگ کردیکھنے والوں کو حیران کرتے ہوئے اپنا ہی سابقہ ریکارڈ توڑ دیا۔

ناروے میں منعقد ہونے والے رسی کودنے کے مقابلے میں ایک راؤنڈ میں تین افراد پر مشتمل چین کی ٹیم میں شامل 2 لڑکوں نے رسی گھمانے کے فرائض انجام دیئے جبکہ ایک لڑکے نے برق رفتاری سے 30سیکنڈ میں 143بار 2 رسیوں کو پھلانگنے کا شاندار مظاہرہ کیا اور سبھی کو حیرت زدہ کر دیا ۔

نوجوان نے بہترین کارکردگی دکھاتے ہوئے یہ مقابلہ جیت لیا اور ساتھ ہی اپنا سابقہ ریکارڈ بھی توڑ ڈالا۔