آپ آف لائن ہیں
جنگ ای پیپر
جمعرات14؍ ذیقعد1440ھ18؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن


پاکستان تحریک انصاف کے رہنما سہیل ظفر چیمہ کا چیئرمین ٹورزم ڈویلپمنٹ کارپوریشن پنجاب بننے کے بعد آبائی شہر گوجرانوالہ پہنچنے پر ڈالرز، ریال، یورو اور پاکستانی کرنسی سے استقبال کیا گیا۔

پی ٹی آئی کے رہنما سہیل ظفر چیمہ کو گزشتہ ماہ ٹورازم ڈویلپمنٹ کارپوریشن آف پنجاب کے بورڈ آف ڈائریکٹر کا چیئرمین منتخب کیا گیا تھا۔ سہیل ظفر چیمہ جب اپنے آبائی شہر گوجرانوالہ پہنچے تو پی ٹی آئی کی مقامی قیادت نے ان کا غیر ملکی کرنسی سے شاندار استقبال کیا۔

سہیل ظفر چیمہ کا قافلہ آبائی علاقے ماچھیکے سندھواں پہنچنے پر پی ٹی آئی رہنما شاہد اقبال ناگرہ نے ان پر پاکستانی نوٹوں، ریال، یورو اور امریکی ڈالرز کی برسات کی جبکہ پارٹی کارکنان نے ان کی آمد پر پھولوں کی پتیاں نچھاور کیں اور ڈھول کی تھاپ پر بھنگڑے ڈالے۔

ڈالرز اور یورو ہوا میں اڑتے دیکھ کر پی ٹی آئی کارکنان بھی سب کام کاج چھوڑ کر غیر ملکی کرنسی لوٹتے رہے، غیر ملکی کرنسی کی برسات کی ویڈیو سوشل میڈیا پر وائرل ہو گئی ہے۔

Chatاپنی رائے سے آگاہ کریں