آپ آف لائن ہیں
جنگ ای پیپر
ہفتہ16؍ربیع الثانی1441ھ 14؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

’کراچی میں پانی فراہمی سے متعلق جلد خوش خبری سنائیں گے‘

وفاقی وزیر آبی وسائل فیصل واوڈا کا کہنا ہے کہ کراچی میں پانی کی فراہمی سے متعلق جلد خوش خبری سنائیں گے۔

وفاقی وزیر آبی وسائل فیصل واوڈا اور سیکرٹری آبی وسائل محمد اشرف نے مشترکہ پریس کانفرنس کی، اس دوران فیصل واوڈا نے کہا کہ کراچی میں پانی کی فراہمی سے متعلق جلد عوام کو خوش خبری سنائیں گے اور کہا کہ کراچی کے عوام کی توقعات پر پورا اُتریں گے۔

فیصل واوڈا نے کہا کہ ایکنک نے داسو پن بجلی منصوبے کی منظوری دے دی، یہ منصوبہ 4 ہزار 320 میگاواٹ کا ہے۔ داسو پن بجلی منصوبے کی تاخیر میں مجرمانہ غفلت کی گئی ہے۔

وفاقی وزیر فیصل واوڈا کا کہنا ہے کہ صوبوں کو چاہیے کہ تجاوزات کا خاتمہ کریں کیونکہ اس سے مون سون میں سیلابی خطرے کا سامنا ہوسکتا ہے۔

انہوں نے کہا کہ بھارت نے ابھی تک پاکستان کو جولائی سے اکتوبر تک کا سیلاب کا ڈیٹا نہیں دیا، بھارت ہمیں یہ ڈیٹا فراہم کرے۔

پریس کانفرنس کے دوران انہوں نے کہا کہ کرپشن زدہ تمام منصوبے ختم کردیے گئے ہیں جبکہ سندھ کے عوام کے لیے بہترین منصوبے لارہے ہیں۔ اداروں کو بدنام کرنے کی سازشوں کو ناکام بنائیں گے اور کسی کو بھی قومی اداروں کو نقصان پہنچانے کی اجازت نہیں دیں گے۔

اس کے علاوہ اُن کا کہنا تھا کہ کسی صورت احتساب کا عمل نہیں رکے گا، ویڈیو کوئین نے جو بھی کیا، ہم اداروں کو برباد نہیں ہونے دیں گے۔

قومی خبریں سے مزید